Kryetarja e KQZ-së takon Ambasadorin Suedez

Sot, Kryetarja zj. Lefterije Luzi ka pritur në një takim Ambasadorin e Suedisë për Shqipërinë, Kosovën dhe Maqedoninë, z. Mats Staffansson, i cili shoqërohej nga i Ngarkuari me Punë i Amabasadës Suedeze në Shqipëri, z. Patrik Svensson.

Qëllimi i takimit ishte njohja e Ambasadorit me përgatitjet që Komisioni Qendror i Zgjedhjeve po bën për zgjedhjet vendore, të datës 21 Qershor.

Kryetarja e KQZ-së, zj. Luzi, bëri një panoramë të vendimmarrjes së KQZ-së, projekteve të realizuara dhe punës së bërë deri tani nga Komisioni, në funksion të mirëorganizimit dhe mirëadminstrimit të procesit zgjedhor.